سياسة الخصوصية

بنجمع إيه

اسمك، وإيميلك لو دخلت بجوجل، ورقم موبايلك. رقمك بيظهر للمشترين بس كزرار واتساب واتصال على إعلاناتك.

تفاصيل إعلاناتك وصورها. بنشيل أي بيانات مخفية من الصور (زي مكان التصوير) قبل ما نحفظها.

رقم الـ IMEI لو كتبته: بنحتفظ بيه عندنا بس، ومش بيظهر في أي إعلان ولا لأي حد غير الإدارة، وبنستخدمه بس لو فيه مشكلة أو بلاغ.

الرسايل اللي بتبعتها لرقم واتساب بتاعنا.

الإحصائيات

بنعد المشاهدات والضغطات على الإعلانات من غير كوكيز تتبع. الزائر بيتعرّف برقم بيتغير كل يوم، فمش بنقدر نتابع حد من يوم ليوم.

المفضلة والمقارنة متخزنة على جهازك إنت، مش عندنا.

مين بيشوف بياناتك

الطلبات بتظهر من غير اسمك أو رقمك.

مش بنبيع بياناتك لحد. بنستخدم خدمات بتساعدنا نشغّل الموقع: Cloudflare للصور، وMeta (واتساب) للرسايل، وجوجل للدخول.

حقوقك

تقدر تعدّل بياناتك من حسابك، أو تطلب نسخة من بياناتك أو مسح حسابك بإيميل على [email protected].